Доволна причина за компаниите да ја разберат важноста на Интернет: Е-трговијата порасна за 900 милијарди долари во 2020 година

Анализата покажува дека и најмалите компании бележат придобивки кога преминуваат на дигитални канали

Клиентите ширум светот потрошија 900 милијарди долари повеќе за купување преку Интернет во 2020 година отколку една година порано, бидејќи останаа дома поради мерките за корона, според најновиот извештај на Mastercard Recovery Insights.

Со други зборови, од секои пет долари потрошени во малопродажба, приближно еден долар е потрошен во е-трговија, во споредба со околу еден долар од секои седум потрошени во текот на 2019 година. За трговците на мало, рестораните и другите големи и мали компании, онлајн продажбата беше е многу потребен спас поради ограничувачките мерки, кои го оневозможија купувањето во физички продажни места.

Околу 20, 30 проценти од глобалната транзиција кон дигитални технологии, предизвикана од пандемијата, се очекува да биде трајна, се вели во соопштението на MasterCard. „Додека потрошувачите беа дома, нивните пари патуваа далеку благодарение на е-трговијата

Економиите кои беа дигитално поразвиени пред кризата, како што се Обединетото Кралство и Соединетите држави, забележаа повисоки придобивки со преминот кон дигитална трговија во домашниот сообраќај, во споредба со земјите кои имаа помал удел во електронската трговија пред кризата, како како Аргентина и Мексико. Азиско-пацифичкиот регион, Северна Америка и Европа се региони кои најсилно го поттикнаа усвојувањето на е-трговија.

Малопродажните сектори со основни намирници, кои имаа најмал дигитален удел пред кризата, се меѓу најголемите добитници, бидејќи потрошувачите се прилагодија на новите околности. Како што се формираат нови потрошувачки навики и со оглед на ниската клиентска база пред кризата, MasterCard предвидува дека 70 до 80 проценти од растот на е-трговија во сегментот на храна ќе се одржува трајно.