Консолидација на различни плаќања преку единствена платформа

Ако сме реални, ќе признаеме дека трговците сe уште гледаат на различни канали за плаќање како неопходна мака со цел да го зголемат приходот на нивниот бизнис. Тие трошат значителни ресурси обидувајќи се да управуваат со различни начини на плаќање, на различни пазари и преку различни канали за плаќање, во продавницата, преку мобилни уреди или преку Интернет.

Со брзиот развој на мобилните платежни системи и зголемената побарувачка на клиентите да овозможат плаќање преку мобилни уреди, постои зголемена потреба на пазарот за единствена платформа која интегрира неколку различни канали за плаќање. Ние во AllSecure сме свесни за ова, но исто така сме свесни за фактот дека на трговецот му треба решение што ќе го спои сето ова без дополнително зголемување на деловните трошоци.

Покрај тоа, трговците бараат иновативно и високотехнолошко решение кое, преку сите платежни канали, вклучува методи за зголемување на конверзијата на клиентите, како што е плаќање со еден клик, поврзување со решенија за лојалност, е-паричници или е-ваучери, сето тоа во цел да им се овозможи на клиентите поедноставни и полесни набавки.

Вистина е дека трговците најчесто треба да работат со различни банки и процесори за да можат да им обезбедат услуги на своите клиенти во различни земји. Тие се поврзани со еден Платен портал за е-трговија, со друг за ПОС-бизнис. Сето ова значи повеќе напор, непријатност и поголеми трошоци за трговецот. И да не заборавиме, повеќе проблеми со сметководството, бидејќи тие мора да ги вклопат сите тие различни канали во нивните книги.